"Hokkiekoors loop hoog in ysige temperature"

Op die ysige koue naweek van 21 en 22 Julie het die eerste span hokkieseuns en -dogters aan die Super 12-hokkietoernooi by die Universiteit van Pretoria deelgeneem. Hierdie geleentheid het deelnemende skole van regoor die land bymekaargebring vir 'n opwindende naweek vol kompetisie en sportmanskap. Die toernooi het sowel in die seuns- as die dogterafdeling plaasgevind en die spanne het met groot ywer gespeel om die titel in te palm.

Die uitslae was soos volg:

DOGTERS
Wen 5-0 teen Stephanus Roos
Wen 2-0 teen Elarduspark
Wen 3-0 teen Kollegepark
Wen 5-0 teen Kenmare
Gelykop 0-0 teen Goedehoop
Verloor 1-2 teen Mooirivier
Wen 2-0 teen Tzaneen
Die dogterhokkiespan, onder leiding van juffrou Mulder en Pienaar, eindig algeheel derde uit 24 skole.

SEUNS
Verloor 0-1 teen Middelburg
Gelykop 0-0 teen Kenmare
Verloor 0-3 teen Menlopark
Wen 5-0 teen Fontainebleau
Wen 1-0 teen Tzaneen
Wen 3-1 teen Wierdapark
Gelykop 0-0 teen Elarduspark
Die seunshokkiespan, onder leiding van juffrou Kloppers en Oosthuizen, eindig algeheel negende uit 24 skole.

Die seuns en dogters het hul uitstekende vaardighede op die veld ten toon gestel en word bewonder vir hul harde werk en toewyding. Die 2023 Super 12-hokkietoernooi sal onthou word vir die ongelooflike koue weer wat die spelers moes trotseer. Die ysige temperature het egter nie die energie en entoesiasme van die seuns en dogters gedemp nie.

Die Ranties is trots op beide spanne wat uitstekend presteer het!